|
9,000 SHARES |
काठमाडौं । आईसीसी पुरुष टी–२० विश्वकप अन्तर्गत आफ्नो अन्तिम समूह खेलमा नेपालले आज स्कटल्याण्ड राष्ट्रिय क्रिकेट टोलीसँग प्रतिस्पर्धा गर्दैछ।
खेल मुम्बईस्थित वानखेडे स्टेडियममा नेपाली समयअनुसार साँझ सवा ७ बजे सुरु हुनेछ।
समूह ‘सी’ बाट सुपर ८ मा पुग्ने दुई टोली इंग्ल्यान्ड राष्ट्रिय क्रिकेट टोली र वेस्ट इन्डिज राष्ट्रिय क्रिकेट टोली पहिले नै तय भइसकेकाले आजको खेल दुवै टोलीका लागि औपचारिकतामा सीमित हुनेछ।
नेपालले पहिलो खेलमा इंग्ल्यान्डसँग ४ रनको झिनो हार बेहोरेको थियो। दोस्रो खेलमा डेब्यु टोली इटालीसँग पराजित भएको नेपाल तेस्रो खेलमा वेस्ट इन्डिजसँग ९ विकेटले पराजित भयो। लगातार हारका बाबजुद कप्तान रोहित पौडेल नेतृत्वको टोली अन्तिम खेलमा जित निकाल्दै सकारात्मक सन्देश दिन चाहन्छ। नेपाल १२ वर्षपछि विश्वकपमा पहिलो जित हात पार्ने योजनामा छ।
स्कटल्याण्डले प्रतियोगिताको सुरुआत वेस्ट इन्डिजसँग ३५ रनको हारबाट गरेको थियो। त्यसपछि इटालीलाई ७३ रनले पराजित गर्दै पुनरागमन गर्यो। तर पछिल्लो खेलमा इंग्ल्यान्डसँग पाँच विकेटको हार बेहोरेपछि उसको प्लेअफ सम्भावना समाप्त भयो।
टी–२० अन्तर्राष्ट्रियमा नेपाल र स्कटल्याण्डबीच अहिलेसम्म दुई खेल भएका छन्, जसमा दुवैले एक–एक जित हात पारेका छन्।
