बिर्तामोड । पूर्वमै पहिलो पटक ‘बा सँग बालबालिका’ कार्यक्रमको आयोजना गरिने भएको छ । झापा जिल्ला बाल सञ्चालले जेठ ८ गते बासँग बालबालिका कार्यक्रमको आयोजना गरेको हो ।
आज कनकाई नगरपालिकास्थित सुरुङामा पत्रकार सम्मेलन गर्दै कार्यक्रमका बारेमा जानकारी दिइएको छ । झापा जिल्ला बाल सञ्जालका अध्यक्ष अभिषेक मिश्रले कनकाई उद्योग वाणिज्य संघको सभाहलमा बासँग बालबालिका कार्यक्रमको आयोजना गरिएको जानकारी दिए ।
नेकपा (एमाले) का अध्यक्ष एव्म पूर्वप्रधानमन्धी केपी शर्मा ओली र जिल्लाभरका बालबालिकाहरुको सहभागितामा बासँग बालबालिका कार्यक्रम सञ्चालन हुने मिश्रको भनाई छ । उनले जिल्लाभरका पालिकाहरुबाट ३०-३० जना बालिका र कनकाईबाट समेत गरी जम्मा ६ सय बालबालिकाहरु सहभागी हुने बताइएको छ ।
बासँग झापाका बालबालिकाहरुले बालबालिका सम्बन्धी दूरदृष्टि वा भिजन सुन्नेछन् । झापाका बालबालिकाहरुले आफ्नो आवाज, अपेक्षा र आवश्यकताबारे ओलीलाई जानकारी दिने कार्यक्रम छ । यस्तै, कार्यक्रममा केपी बा र बालबालिकाका अनुभव तथा सिकाई आदानप्रदान गर्ने, विगत वर्तमान र भविष्यका नेपालका निर्णायक व्यक्तित्व ओलीको विचार सुन्ने र साक्षात्कार गर्ने सञ्जालका तयारी छ ।
कनकाईको बालमैत्री अभियानबारे जानकारी गराउने, श्रव्यदृष्य प्रस्तुत गर्ने र सांस्कृति कार्यक्रम प्रस्तुत गर्ने आयोजकले जनाएको छ । बाले बालबालिकालाई तीन घण्टा समय दिने आयोजक समिति सदस्य रविन्द्र लम्सालले जानकारी दिए ।
