बिर्तामोड । झापाको अर्जुनधारामा जारी ‘प्रथम अर्जुनधारा मिनी महोत्सव २०८०’मा आज चर्चित गायिक मेलिना राईको प्रस्तुति रहेको छ ।
स्टेज कार्यक्रमकालागि सर्वाधिक रुचाईएकी गायिका राईले आज प्रस्तुति दिने आयोजक समितिका कोषाध्यक्ष श्याम दनुवारले जानकारी दिनुभयो ।
राईको कसरी कसरी, माया बिरानी, गोजिमा दाम छैन्, तातो गोलि, एक कान दुई कान, टिकटकमा देखेको, कम्बरमाथि पटुकीलगायतका गितहरु चर्चित छन् ।
मेला अवलोकन तथा प्रवेशकालागि एक सय रुपैयाँ मात्र शुल्क राखिएको आयोजकले बताएको छ ।
असार १३ गतेदेखि संचालन भइरहेको महोत्सवमा यसअघि रचना रिमाल, ज्योति मगर लगायतका कलाकारहरुले प्रस्तुती दिएका छन् ।
२७ गतेसम्म गते सम्म चल्ने महोत्सवमा प्रमोद खेरल लगायतका कलाकारहरुको समेत प्रस्तुति रहने छ । छ ।
महोत्सवमा मनोरञ्जनका लागि रोटेपिङ, ड्राइगन रेस, ब्रेक डान्स, मिनि रेल लगायतका मनोरञ्जनातमक खेलहरु समेत संचालन भइरहेको छ ।
नयाँ बजारलाई चलायमान बनाउन र विपद् ब्यवस्थापनलाई सहयोग पुर्याउने उद्देश्यले १५ दिने महोत्सवको आयोजना गरिएको आयोजकले बताएको छ ।
अर्जुनधारा ८ को नयाँ बजारमा भइरहेको महोत्सवलाई शनिश्चरेको ब्रदर एण्ड सिस्टर जिम हाउसले आयोजना र सयपत्री इन्टरटेन्डमेन्ट प्रालिले व्यवस्थापन गरेको हो ।
