झापा । द्रोणाचार्य क्षेत्री स्मृति पत्रकारिता पुरस्कार यसपटक प्रेस काउन्सिल नेपालका सदस्य गणेश पोखरेललाई प्रदान गरिएको छ ।
द्रोणाचार्यको ३०औं स्मृति दिवसको अवसरमा असार ६ गते (आज) पोखरेललाई पुरस्कृत गरिएको हो ।
झापाबाट प्रसारित रेडीयो भिजनमा आवद्ध पोखरेल नेपाल पत्रकार महासंघका पूर्व केन्द्रीय सदस्य, प्रेस काउन्सिल नेपालको बर्तमान सदस्य हुनुहुन्छ ।
![](https://khabarkheti.com/wp-content/uploads/2024/04/eye-khanepani-mart-3-add-mix-1.jpg)
प्रेस चौतारी झापाले १७ वर्ष अगाडि स्थापना गरेको सो पुरस्कार आज पाँचौं पटक वितरण गरिएको हो । पुरस्कारको राशि ५१ हजार रुपैयाँ र सम्मानपत्र रहेको छ ।
यसअघि सो पुरस्कारबाट लीला बराल, शिव गाउँले, माधव बिद्रोही र रघु मैनाली पुरस्कृत भइसक्नुभएको छ ।