काठमाडौं । एसीसी प्रिमियर कप क्रिकेटमा आज (शुक्रबार) नेपालले ओमानको सामना गर्नेछ ।
दुई उपाधि दाबेदार नेपाल र ओमानबीचको खेल बिहान ९ बजे टियु क्रिकेट मैदानमा सुरू हुनेछ ।
दुवै टोली प्रतियोगितामा लगातार दोस्रो जितको खोजीमा छन् । नेपालले पहिलो खेलमा मलेसियालाई हराएको थियो भने ओमानले कतारलाई पराजित गरेको थियो ।
शुक्रबारको खेल एक दिवसिय अन्तराष्ट्रिय क्रिकेटमा नेपालको ५० औं खेल हुनेछ । सन् २०१८ मार्च १५ मा ओडिआई मान्यता प्राप्त गरेको नेपालले हालसम्म ४९ ओडिआई खेलेको छ । एसीसी प्रिमियर कप प्रतियोगितामा एकै समूहमा रहेका नेपाल र ओमान ओडिआई मान्यताप्राप्त देश हुन् ।
नेपालले अहिलेसम्म खेलेका ४९ ओडिआई खेलमा २६ मा जित, २१ मा हार, एक मा बराबरी र एक खेल नतिजा बिहीन भएको छ ।
प्रिमियर कपअन्तर्गत आज हुने दोस्रो खेलमा हङकङ र युएई भिड्नेछन् । यो खेल बिहान ९ बजे मुलपानी मैदानमा हुनेछ ।
