काठमाडौं । पाकिस्तानको संसदले सोमबार नयाँ प्रधानमन्त्री चयन गर्ने भएको छ ।
पाकिस्तानका प्रधानमन्त्री इमरान खान विरुद्धको अविश्वास प्रस्ताव बहुमतले पारित भएपछि खान पदमुक्त भएका थिए ।
गत साता संसदमा अविविश्वासको प्रस्ताव दर्ताभएपछि प्रधानमन्त्री खानले संसद विघटन गर्ने निर्णय गरेका हुन् ।
संसद विघटन विरुद्ध विपक्षी दलले सर्वोच्च अदालतको ढोका ढकढकाएपछि पाकिस्तानको सर्वोच्च अदालतले संसद विघटनको निर्णय बदर गरेको थियो ।
संसद पुर्नस्थापना भएर इमरान विरूद्धको अविश्वास प्रस्तावमाथि मतदान हुँदा खानले बहुमत हासिल गर्न सकेनन्।
पाकिस्तानको नयाँ प्रधानमन्त्रीका लागि पूर्वप्रधानमन्त्री नवास शरीफका भाई सेहेबाज शरीफलाई अगाडी सारिएको छ ।
पाकिस्तानको ७५ वर्षे इतिहासमा अहिलेसम्म कुनै प्रधानमन्त्रीले पनि पाँच वर्षे कार्याकाल पूरा गर्न पाएका छैनन् ।
पाकिस्तानमा सन् १९९३ मा एकै वर्ष पाँच जना प्रधानमन्त्री समेत परिवर्तन भएका थिए ।
