बिर्तामोड । झापाको कचनकवल गाउँपालिका ४ मा करेन्ट लागेर एकजनाको मृत्यु भएको छ ।
गएराति पौने ९ बजे वडा नं ४ बस्ने तुलाराम साहका १६ बर्षीय छोरा विशालकुमार साहको करेन्ट लागेर मृत्यु भएको हो ।
घरको भान्सामा नाङ्गो तारमा छुन पुग्दा अचानक करेन्ट लागेर घाइते भएका उनलाई तत्काल उपचारको लागि प्राथमिक उपचार केन्द्र बनियानीतर्फ लैजादै गर्दा बाटोमै मृत्यु भएको इलाका प्रहरी कार्यालय बनियानीले जनाएको छ ।
![](https://khabarkheti.com/wp-content/uploads/2024/04/eye-khanepani-mart-3-add-mix-1.jpg)
आवश्यक कानुनी प्रक्रिया पूरा गरी शवलाई पोस्टमार्टमका लागि पठाइने जनाइएको छ ।