|
9,000 SHARES |
झापा । नेपाली बजारमा बुधबार पनि सुनचाँदीको मूल्य बढेको छ। लगातार बढ्दो क्रममा रहेको सुनको मूल्य बुधबार हालसम्मकै उच्च बिन्दुमा पुगेको छ।
नेपाल सुनचाँदी व्यवसायी महासंघका अनुसार बुधबार सुन प्रतितोला २ लाख ९५ हजार १ सय रुपैयाँमा कारोबार भइरहेको छ। यसअघि मंगलबार सुन प्रतितोला २ लाख ८४ हजार ७ सय रुपैयाँमा कारोबार भएको थियो। अघिल्लो दिनको तुलनामा सुनको मूल्य प्रतितोला १० हजार ४ सय रुपैयाँले बढेको हो।
यस्तै, चाँदीको मूल्य पनि बुधबार हालसम्मकै उच्च बिन्दुमा पुगेको छ। मंगलबार प्रतितोला ५ हजार ८ सय ८० रुपैयाँमा कारोबार भएको चाँदी बुधबार ५ हजार ९ सय २० रुपैयाँमा कारोबार भइरहेको महासंघले जनाएको छ। अघिल्लो दिनको तुलनामा चाँदीको मूल्य प्रतितोला ४० रुपैयाँले बढेको हो।
महासंघका अनुसार अन्तर्राष्ट्रिय बजारमा बुधबार सुन प्रतिऔंस ४ हजार ८ सय ७१ अमेरिकी डलरमा कारोबार भइरहेको छ।
