शिवसताक्षी । शिवसताक्षीमा रहेको सतासीधाम जेसीजको १२ औं पद हस्तान्तरण सम्मान तथा पुरस्कार वितरण कार्यक्रम सम्पन्न भएको छ।
शनिबार शिवसताक्षी ११ को सामुदायिक अध्ययन केन्द्रको भवनमा भएको कार्यक्रममा अनिल निङलेखुको संयोजकत्व र वर्ष २०२४ का अध्यक्ष दारुमान राई(युविक) को अध्यक्षतामा पदहस्तान्तरण कार्यक्रम सम्पन्न भएको थियो।
शिवसताक्षी नगरपालिकाका नगरप्रमुख मेगाहाङ थोप्राको प्रमुख आतिथ्यतामा भएको कार्यक्रमको भव्य रुपमा उद्घाटन भएको थियो।
कार्यक्रममा विभिन्न विधा अन्तर्गत सम्मान र पुरस्कार वितरण गरिएको थियो। साखाको वर्षभरिको कार्यक्रमको सक्रियतालाई हेरेर वर्षैपिच्छे गरिने सम्मानमा वर्ष २०२४ का अध्यक्षले कार्यक्रम संयोजकमा पवन राई, उत्कृष्ट पदाधिकारी सम्मानमा कोषाध्यक्ष दिल बहादुर कार्की (राजन) र रिता कोइराला कोइरालालाई सम्मान गरेका थिए ।
सतासीधाम जेसीज वर्ष २०२४ का अध्यक्ष दारुमान राईले चेन वर्ष २०२५ का लागि अध्यक्ष पदम बहादुर कुँवरलाई हस्तान्तरण गरेका छन् । वर्ष २०२५ का लागि अध्यक्षमा कुवर सहित कार्यकारिणी उपाध्यक्षमा गणेश अधिकारी र रिता कोइराला, उपाध्यक्षमा शिशिर उप्रेती, सरु अधिकारी खत्री, सचिन श्रेष्ठ र दिल बहादुर कार्की (राजन) यस अघि नै सर्वसम्मत चयन भएका थिए। त्यस्तै सचीवमा निकेश दाहाल, जनसम्पर्क अधिकारीमा पारस खनाल र तालिम निर्देशकमा पुष्प पौडेल साधारणसभाबाट निर्विरोध चयन भएका थिए।
वर्ष २०२५ का लागि अध्यक्षद्वारा महासचिवमा मन्जिल नेपाल, कोषाध्यक्षमा लेखनाथ अधिकारी र कानुनीसल्लाहकारमा प्रतिमा बजगाइ मनोनित गरिएको छ ।
कार्यक्रममा शिवसताक्षी नगरपालिकाका उपप्रमुख नरमाया कार्की, पुर्व माननीय तारा सम योङया, विभिन्न सघसंस्थाका प्रतिनिधि, विभिन्न शाखाका पदाधिकारी लगायत अग्रज व्यक्तिहरुको उपस्थिति रहेको कार्यक्रमको पहिलो सत्रको कार्यक्रमको सहजीकरण पुष्प पौडेलले गरेका थिए भने दोस्रो भागको कार्यक्रम वर्ष २०२५ का महासचिव मन्जिल नेपालले गरेका थिए।
