149
Shares
बिर्तामोड । भरतमा सम्पन्न अल इण्डिया चिफ मिनिस्टर गोल्डकपको उपाधि जितेको नेपाली फुटबल क्लब झापा ११का खेलाडी तथा अफिसियललाई झापामा भव्य स्वागत तथा सम्मान गरिएको छ ।
सिक्किमको नाम्चीमा सम्पन्न १०औं अल इण्डिया चिफ मिनिस्टर गोल्डकप अन्तर्राष्ट्रिय आमन्त्रण फुटबल प्रतियोगिताको उपाधि जितेको क्लबको टिमलाई बिर्तामोडमा क्लबले आयोजना गरेको कार्यक्रमका बीच भव्य सम्मान गरिएको हो ।
जोरेथाङ रंगशालामा मंगलबार भएको फाइनल खेलमा झापाले अर्को नेपाली टोली चर्च ब्वाईज युनाइटेड क्लबलाई २-० गोलले हराउँदै उपाधि जित्न सफल भएको हो । झापाको जितमा सन्तोष खत्री र प्रदिप बुढाथोकीले गोल गरेका थिए ।
विजेता बनेको झापाले उपाधिसहित नगद २० लाख भारतीय रुपैयाँ (नेरु ३२ लाख) हात पारेको छ ।
झापाले प्रतियोगितामा सुदेवा एफसी, दिल्लीलाई हराएको थियो ।
प्रतिक्रिया दिनुहोस ।
+1
2
+1
+1
+1
+1
149
