झापा । बरिष्ठ अधिवक्ता दिनेश कुमार त्रिपाठीमाथि कुटपिट गर्ने मानिसलाई प्रहरीले पक्राउ गरेको छ ।
त्रिपाठीलाई आक्रमण गर्नेहरु मध्ये दोलखा तामाकोशी गाँउपालिका वडा नं.०१ स्थायी घर भई ललितपुर महालक्ष्मी नगरपलिका वडा नं. ५ टिकाथली बस्ने बर्ष ४८ बर्षका ललित कुमार के.सी.लाई प्रहरीले पक्राउ गरेको हो ।
उनलाई ज्यान मार्ने उधोग कसुरमा काठमाडौं जिल्ला अदालबाट म्याद थप गरी प्रहरी वृत्त सिंहदरवारमा राखेर थप अनुसन्धान भई रहेको प्रहरीले बताएको छ ।
माघ २ गते अन्दाजी ३:४५ बजेको समयमा काठमाडौ जिल्ला अदालतको दक्षिण गेट बाहिर सार्वजनिक सडक खण्डमा सर्वसाधारणहरुको भिड रहेको अबस्थामा बरिष्ठ अधिवक्ता दिनेश कुमार त्रिपाठी अदालतको दक्षिण गेट अगाडीको सडक खण्डमा ज्रेबा क्रसिङबाट सडक पार गर्ने क्रममा उक्त भिडमा रहेका के.सी.सहितका केही व्यक्तिहरुले हुल हुज्जत गरी आक्रमण गरेका थिए ।
घटनामा संलग्न अन्य व्यक्तिहरुको खोजतलास भइरहेको प्रहरीले बताएको छ ।
