शिवसताक्षी । झापाको शिवसताक्षीमा सताक्षीधाम धार्मिक तथा पर्यटन विकास समितिको अध्यक्षमा निर्वाचनमा तुलाराम बोखिम पुनः निर्वाचित भएका छन् ।
बोखिम सताक्षीधाम धार्मिक तथा पर्यटन विकास समितिमा दोस्रो कार्यकालका लागि निर्वाचित भएका हुन् । उनले अध्यक्ष ७२४ मत प्राप्त गरी निर्वाचित भएको निर्वाचन समितिका संयोजक दिपक न्यौपानेले जानकारी दिए । निर्वाचनमा अध्यक्ष पदका दावेदार उदय प्रकाश राईले ३६९ , भोजकुमारी नेपालले २०४ मत प्राप्त गरेका थिए ।
त्यस्तै उपाध्यक्षमा कृष्णप्रसाद खरेलले ८७१ मत प्राप्त गर्दै निर्वाचित भएका छन् । उपाध्यक्ष कै अर्का उम्मेद्वार मोहन पौडेलले २८८ मत प्राप्त गरेका थिए । सचिव पदमा कालीप्रसाद रिजालले ७९६ का साथ निर्वाचित भए भने, अर्का उम्मेद्वार मोहन राईले ४४० मत प्राप्त गरे ।
निर्वाचनमा सहसचिव पदमा डिकबहादुर बुढाथोकी ७३४ मत प्राप्त गरी विजयी भएका छन् । साही पदका अन्य उम्मेद्वार भगिरथा घिमिरेले १२५ र मदनमोहन अधिकारले ३३१ मत प्राप्त गरेका छन् ।
त्यसैगरी कोषाध्यक्षमा झमक बहादुर गौतम विजयी भएका छन् । गौतमले ६९३ सोही पदका अकाई उम्मेद्वार भिमबहादुर कार्कीले ४७९ प्राप्त गरेको निर्वाचन समितिले जनाएको छ ।
खुल्ला सदस्यहरुमा कुवेरनाथ लुईटेल, गणेश भेटवाल, गंगाधर तिम्सिना, डिल्लीराम भण्डारी, दाताराम विष्ट, योगनिधि बास्तोला विजयी भएका छन् । त्यस्तै महिला सदस्यमा खनिमाया श्रेष्ठ र निर्मला यादव विजयी भएका छन् । निर्वाचनमा १९०९ मतदाता मध्ये १३१३ मत खसेको थियो ।
