127
Shares
काठमाडौं । सर्वोच्च अदालतले मेडिकल व्यवसायी दुर्गा प्रसाईंलाई रिहा गर्न आदेश दिएको छ ।
दोस्रो पटक दर्ता गरिएको बन्दी प्रत्यक्षीकरणको रिटमा सुनुवाइ गर्दै न्यायाधीशद्वय नहकुल सुवेदी र शारङ्गा सुवेदीको संयुक्त इजलासले शुक्रबार उनलाई रिहा गर्न निर्देशन दिएको हो ।
प्रसाईंले आफू साइबर अपराधको मुद्दामा धरौटीमा रिहा भइसके पनि प्रहरीले दुःख दिने मनसायले पुनः पक्राउ गरेको भन्दै साधारण तारेखमा रिहा गर्न माग गरेका थिए ।
उनलाई प्रधानमन्त्री केपी शर्मा ओलीविरुद्ध भ्रम फैलाएको आरोपमा पक्राउ गरिएको थियो ।
यसअघि अदालतले साइबर अपराध मुद्दामा धरौटीमा रिहा गर्न आदेश दिएपछि व्यापारी धम्क्याएको आरोपमा अदालतबाट अर्को पक्राउ पुर्जी जारी गरी उनलाई पुनः पक्राउ गरिएको थियो ।
सर्वोच्च अदालतको पछिल्लो आदेशसँगै प्रसाईं अब रिहा हुने भएका छन् ।
प्रतिक्रिया दिनुहोस ।
+1
1
+1
+1
+1
+1
127
