शिवसताक्षी । ओल्डस्टार क्रिकेट क्लब भद्रपुरलाई ३ विकेटले पराजित गर्दै प्रदेश स्तरीय प्रथम एसडिसी सुपरसिक्स क्रिकेट प्रतियोगिताको उपाधि आयोजक एसडिसी क्रिकेट क्लब दमकले जितेको छ ।
झापाको शिवसताक्षी न.पा.स्थित झिलझिलेमा सम्पन्न प्रतियोगिताको फाइनल खेलमा भद्रपुरले आयोजक टिमलाई ४ विकेटको क्षतीमा १ सय रनको लक्ष्य दिएको थियो । आयोजकले ५ ओभर २ बलमा १ विकेट गुमाउँदै लक्ष्य पुरा गरेर जित हात पारेको हो ।
प्रतियोगिताको विजेता टिमले नगद ३० हजार र उपविजेता टिमले २० हजार नगदसहित सहित ट्रफी, मेडल र प्रमाण पत्रप्राप्त गरे । उनीहरुलाई शिवसताक्षी नगरपालिकाका नगरप्रमुख मेगाहाङ्ग थोप्रा, वडा नं. ८ का वडाध्यक्ष सन्तकुमार फेउदिनले पुरस्कार प्रदान गरेका थिए ।
खेलको प्लेयर अफ दी म्याच आयोजकका सुरज न्यौपाने घोषित भए । उनले ११ बलमा ३८ रन बनाएका थिए । त्यस्तै सर्वोकृष्ट खेलाडी नुरी निसार, उत्कृष्ट व्याट्समेन अंकित सुवेदी, उत्कृष्ट बलर अभिषेक लिम्बु, उत्कृष्ट फिल्डर सुरज न्यौपाने घोषित भए । उनीहरुले नगद सहित ट्रफी प्राप्त गरे ।
२ दिवसीय प्रतियोगितामा कोशी प्रदेशका १६ टिमले सहभागिता रहेको थियो ।
