काठमाडौं । नेपाल प्रिमियर लिग (एनपीएल)अन्तर्गत आजको लिगमा एकमात्र अपराजित टोली जनकपुर बोल्ट्सविरुद्ध लिगको दोस्रो स्थानमा रहेको सुदूरपश्चिम रोयल्स भिड्दै छ।
टियू मैदान कीर्तिपुरमा बिहान ९ बजे सुरु हुने खेलमा जनकपुर आफ्नो रवाफिलो यात्रालाई पाँचौँ खेल सम्म डोर्याउने लक्ष्यमा हुँदा एक खेल हारेको सुदूरपश्चिम जनकपुर समान ८ अङ्क बनाउने लक्ष्यमा मैदान उत्रिने छ।
आज जित निकाल्दै प्लेअफ यात्रा पक्का गर्ने ध्याउमा रहेको जनकपुरलाई लगातार तीन खेल जितेर पछिल्लो खेलमा चितवन राइनोजसँग हारेको सुदूरपश्चिम आफ्नो ‘जित ट्रयाक’ समार्नले लक्ष्यमा मैदानमा उत्रिने छ।
अनिल शाहको कप्तानीमा रहेको अपराजित जनकपुरलाई उत्कृष्ट प्रदर्शन गर्दै आएका दीपेन्द्र सिंह ऐरीको कप्तानीमा रहेको सुदूरको चुनौती दर्शकका लागि बहुप्रतिक्षित रहेको छ। जनकपुरले अहिलेसम्म विराटनगर किंग्स, कर्णाली याक्स, पोखरा एभेन्जर्स र लुम्बिनी लायन्सलाई पराजित गर्दै आफ्नो ‘विनिङ म्यान्टालिटी’लाई अगाडि बढाइरहेको छ।
त्यसोत सुदूरपश्चिमले पनि सुरुवाती तीन खेलमा विराटनगर किंग्स, काठमान्डु गुर्खाज र लुम्बिनी लायन्सलाई पराजित गरेको थियो भने त्यसपछि चितवन राइनोजसँग पराजित भएको थियो। समग्रमा लिगको प्लेअफ पुग्ने बलिया दुई दाबेदार बिचको खेलमा कस्ले मार्ला बाजि त्यो भने आजको पहिलो खेलले तय गर्नेछ।
यस्तो छ जनकपुर बोल्ट्सको टोली:
आशीफ शेख, अनिलकुमार साह (कप्तान), ललित राजवंशी, किशोर महतो, हेमन्त धामी, रुपेशकुमार सिंह, आकाश त्रिपाठी, शेर मल्ल, अरनीको यादव, शुभ कंसाकर, तुलबहादुर थापा, विशाल सुसलिङ, जेम्मी निशम (न्युजिल्यान्ड), जोशुआ ट्रोम्प (अमेरिका), मोहम्मद मोहसीन (अमेरिका), बेन माइक (इंग्ल्यान्ड), लाहिरु मिलन्था (अमेरिका), हर्ष थकर (क्यानडा)
यस्तो छ सुदूरपश्चिम रोयल्स टोली:
दीपेन्द्र सिंह ऐरी (कप्तान), आरिफ शेख, अविनाश बोहरा, विनोद भण्डारी, इशान पाण्डे, अर्जुन कुमाल, खडक बोहोरा, नरेश बुढायर, अमित श्रेष्ठ, भोज राज भट्ट, नरेन साउद, बसन्त खत्री, सइफ जाइब (इंग्ल्यान्ड), स्कट कुग्गेलेइजन (न्युजिल्यान्ड), ब्रान्डन म्याकमुलेन (स्कटल्यान्ड)
