रोशन काफ्ले
माईजोगमाई । माईजोगमाईमा जारी बालाचतुर्दशी कप २०८१ अन्तर्गत आज दुई खेलहरु सम्पन्न भएको छ ।
आजको पहिलो खेल ज्योती स्पोर्टिङ क्लब माइजोगमाई-४ ले प्रेमेजुङ्ग एफसिलाई शुन्यका विरुद्ध २ गोल गर्दै सेमिफाइनलमा स्थान सुरक्षित गरेको छ ।
ज्योतीको तर्फबाट पहिलो हाफमा सुदर्सन लिम्बू र कप्तान जुयल राईले गोल गर्दै सेमिफाइनलमा आफ्नो टिम सुरक्षित गरे ।
त्यस्तै आजै भएको दोस्रो खेलमा रेड डेभिल्स नयाँबजारले नामसालिङ फुटबल क्लबलाई ४-० गोल अन्तरले पराजित गर्दै सेमिफाइनलको यात्रा तय गरेको छ ।
पहिलो हाफ दुवै टिमले कुनै गोल गर्न सकेन । दोस्रो हाफमा रेड डेभिल्सको तर्फबाट मिङ्मा गुरुङ, सुशील सुब्बा, आशिष राई र शेखर राईले गोल गरे ।
भोलि २ सेमीफाइनल खेलहरु हुनेछ । प्रतियोगिताको फाइनल खेल १९ गते हुनेछ । फाइनल जित्ने टिमले नगद रु ५० हजार, आकर्षक ट्रफी, मेडल र प्रमाण-पत्र प्राप्त गर्नेछ भने उपविजेता टिमले नगद रु ३० हजार ट्रफी, मेडल र प्रमाणपत्र पाउनेछ ।
