बिर्तामोड । बिर्तामोडको एक मोटरसाईकल वर्कसपमा बिद्युत सर्ट भएर आगलागी हुँदा १५ लाख बराबरको क्षती भएको छ ।
बिर्तामोड नगरपालिका वडा नम्बर ६ बुट्टावारी चौकमा रहेको आशिश वनको घरको सटर भाडामा लिई अर्जुनधारा नगरपालिका वडा नम्बर ११ बस्ने दिपक राजबंशीले सञ्चालन गरेको दिपक मोटरसाईकल वर्कसपमा आज साँझ अन्दाजी ६ः३५ बजेको समयमा आगलागी भएको प्रहरीले जनाएको छ ।
उक्त आगलागीबाट वर्कसपमा रहेको ममर्मतको लागी राखिएको स्कुटर–१ थान, सुपर स्पेलेण्डर मोटरसाईकल–१ थान, एयर कम्प्रेसर–१ थान, मर्मतमा प्रयोग हुने बिभिन्न औजारहरु र उक्त कोठामा समेत क्षति भई जम्मा अन्दाजी मुल्य रु.१५,००,०००।–(अक्षरेपी रु.पन्द्र लाख) बराबरको धनमाल जली क्षति भएको प्रहरीले जानकारी दिएको छ ।
अस्थाई प्रहरी चौकी बुट्टावारी, इलाका प्रहरी कार्यालय अनारमनी, स्थानिय र बिर्तामोड नगरपालिकाको दमकल, भद्रपुर नगरपालिकाको दमकल र मेची नगरपालिकाको दमकलको सहयोगमा आगलागी साँझ ७ः१५ बजेको समयमा नियण्त्रणमा आएको प्रहरीले बताएको छ ।
आगलागीबाट मानविय तथा चौपाया क्षति नभएको बताइएको छ । घटनाको सम्बन्धमा थप अनुसन्धान भई रहेको छ ।
