291
Shares
पाँचथर । पाँचथरको फिदिममा आगलागीमा परी दुईजना बालबालिका घाइते भएका छन् ।
मंगलबार बिहान ९ बजे फिदिम–४ थापाटार बस्ने देवीप्रसाद पौडेलका १३ वर्षीया छोरी सोनिया पौडेल र ११ वर्षीय छोरा बादल पौडेल जलेर घाइते भएका हुन् ।
दुई जना दिदीभाइले घरमा मैनबत्ती बालेर खेलिरहेकोमा बुबा देवीप्रसादले ट्याम्पोमा पेट्रोल हाल्ने क्रममा एक्कासि आगो लागेपछि दुवै जनालाई आगोले पोलेको थियो ।
उनीहरूलाई पाँचथर जिल्ला अस्पतालमा उपचार गरी थप उपचारको लागि विराटनगरको न्युरो अस्पताल रेफर गरिएको छ । दुवै बालबालिकाको अवस्था मध्यम रहेको प्रहरीले जनाएको छ ।
प्रतिक्रिया दिनुहोस ।
+1
+1
+1
+1
+1
1
291
