यिनै हुन विश्वमा सबैभन्दा धेरै सस्क्राइबर भएको २५ युट्युब च्यानलहरु [ च्यानल लिंक सहित ]

विर्तामोड । अहिले इन्टरनेटको जमानामा युट्युब एप नभएको स्मार्टफोन सायदै नहोला । यो युट्युब नामको सामाजिक सञ्जाल यसरी फैलियो कि पछिल्लो १ दशकमा त्यसको लेखाजोखा नै छैन । विश्वका ठुलाठुला सञ्चारमाध्यमहरु देखि चर्चित व्यक्तिहरु समेत यसमा जोडिएका छन् भने परम्परागत सञ्चारमाध्यमहरु टिभी, रेडियो, पत्रपत्रिकाहरु समेत यसैमा समाहित हुन लागिसकेको अवस्था छ । अहिलेको समयमा इन्टरनेटमा खोजी गरिनेमा गुगल पछाडि युट्युब नै पर्दछ, संयोगवश यि दुवै गुगलको स्वामित्वको कम्पनीहरु हुन् ।
पेपल नामको अमेरिकी कम्पनीबाट जागिर छोडेका ३ जना व्यक्तिहरु स्टेभ चेन, चाड हर्ली र जावेद करिमले एउटा भिडियो साझा गर्ने उद्धेश्यले सन २००५ फेब्रुअरी १४ मा युट्युब स्थापना गर्दछन । उनीहरुले सन २००६ अक्टोबरमा गुगललाई १.६५ अरब अमेरिकी डलरमा बिक्री गर्दछन् । त्यसपश्चात गुगलले विभिन्न परिमार्जन गर्दै आजको समयमा सर्वप्रिय सञ्जालको रुपमा विकास गरेको छ । [1]
युट्युब गुगलले खरिद गर्न अगाडि सन २००५ अक्टोबरमा यसका पेपलका पुर्व कर्मचारी रहेका संस्थापकहरुले सस्क्राइब भन्ने बटन प्रयोगकर्ताहरुमाझ प्रस्तुत गर्दछन् र यसको विशेषता चाहि प्रयोगकर्ताहरुले मनपरेको च्यानलबाट प्रकाशित हुने भिडियोहरुको सुचना पाउनु थियो । यहि सस्क्राइब बटन च्यानलहरुको प्रसिद्धिको मापन बनिरहेको छ । अब यहाँ विश्वमा सबै भन्दा बढि सस्क्राइब गरिएका २५ वटा च्यानलहरुको बारेमा तथ्य तस्विरहरु प्रस्तुत गर्दछौ । उक्त फोटोहरुमा च्यानलको सस्क्राइबर संख्या, भिडियाे संख्या, जम्मा भ्युज, क्षेत्र, अवधि (उमेर) साथै च्यानलको लिंक समेत दिइएको छ, फोटोमा क्लिक गरेपछि उक्त च्यानल खुल्नेछ । जसमध्ये ११ वटा च्यानल चाहि छिमेकी राष्ट्र भारतबाट प्रशारित हुने रहेको छ । [2]