विर्तामोड । भोलि भदौ २५ गतेबाट अन्तर विद्यालयस्तरीय पुरुष क्रिकेट प्रतियोगिता जिल्ला क्रिकेट संघ इलामले ठुलो टुडिखेलमा प्रतियोगिता संचालन गर्न लागेको छ । भदौ २५ गतेदेखि असोज १ गतेसम्म सञ्चालन हुने प्रतियोगितामा आयोजकले सार्वजनिक गरेको खेल तालिका अनुसार उद्धघाटन खेलमा प्रज्ञा सदन इलाम र फिक्कल मावि भिड्ने भएका छन् ।
प्रतियोगितामा प्रतियोगितामा जिल्लाका २ सरकारी सहित ७ विद्यालयको सहभागिता जनाउने विद्यालयहरुलाई २ समुहमा विभाजन गरेर ग्रुप ए मा जुबिलेन्ट इलाइट एकाडेमी, समता शिक्षा निकेतन, गोल्डेन फ्युचर बोर्डिङ स्कुल र आदर्श मावि रहेका छन् भने समुह बी मा बीबी मेमोरियल सेकेन्डरी स्कुल नेपालटार, प्रज्ञा सदन इलाम र फिक्कल मावि रहेका छन् ।
कक्षा १० सम्म अध्ययनरत विद्यार्थीहरुले मात्र सहभागिता जनाउन पाउने प्रतियोगितामा बिजेता र उपविजेतालाई मेडल, ट्रफि र प्रमाणपत्र प्रदान गरिने जिल्ला क्रिकेट संघले जानकारी दिएको छ ।
