310
Shares
बारा । निजगढ नगरपालिका–११ मा भुरकोट जातको रुखको हाँगा भाँचिँदा मोटरसाइकलमा सवार एकको मृत्यु भएको छ । अन्य दुईजना घाइते भएका छन् ।
मंगलबार दिउँसो करिब ३ बजे निजगढ नगरपालिका–१० स्थित लालगाउँबाट रतनपुर जाँदै गरेको प्र २–०२–०१७ प ९६३५ नम्बरको मोटरसाइकलमाथि रुखको हाँगा खस्दा निजगढ नगरपालिका–११ का सुमन बम्जनकी श्रीमती २२ वर्षीया अस्मिता मोक्तानको घटनास्थलमै मृत्यु भएको हो ।
रुखको हाँगा टाउकोमा बज्रँदा चोटका कारण अस्मिताको मृत्यु भएको इलाका प्रहरी कार्यालय निजगढका प्रहरी निरीक्षक सुमित कुसवाहले जानकारी दिए ।
मोटरसाइकलमा सवार निजगढ नगरपालिका– ११ निवासी १८ वर्षीय सन्देश बम्जन र २२ वर्षीया बिनिता ब्लोन घाइते भएका छन् । उनीहरू निजगढस्थित सामुदायिक प्रसूतिगृह अस्पताल र मुहमदिन मेडिकलमा उपचारपछि घर फर्किएको प्रहरीले जनाएको छ ।
प्रतिक्रिया दिनुहोस ।
+1
+1
+1
+1
+1
310
