400
Shares
झापा । प्रतिबन्धित लागूऔषध ब्राउन सुगरसहित झापा दमकका थप दुई जना युवा पक्राउ परेका छन् ।
पक्राउ पर्नेमा दमक ९ र १० नम्बर वडाका युवा छन् । आज साँझ ५ः२० बजे भद्रपुर ५ मेची पुलस्थित अस्थायी प्रहरी बिटबाट खटिएको प्रहरी टोलीले भारतबाट नेपालतर्फ आउँदै गरेका प्र. १-०१-०१२ प ४२७७ नम्बरको स्कुटी चालक दमक ९ का अन्दाजी २५ वर्षीय संजय लावती र पछाडि सवार दमक १० बस्ने अन्दाजी २८ वर्षीय काजिमान गुरुङलाई चेकजाँच गरेको थियो ।
प्रहरीले शंका लागेर चेकजाँच गर्दा उनीहरुको साथबाट प्लाष्टिकसहित २ ग्राम ४० मिलिग्राम ब्राउनसुगर फेला परेको जिल्ला प्रहरी कार्यालय झापाले जनाएको छ । दुवै जनामाथि अनुसन्धान जारी रहेको डीएसपी कृष्णकुमार चन्दले बताए ।
हिजोमात्र झापा गाउँपालिकामा दमकका तीन जना युवा ब्राउन सुगरसहित पक्राउ परेका थिए ।
प्रतिक्रिया दिनुहोस ।
+1
+1
+1
+1
+1
400
