झापा । नेपाली कांग्रेसका पूर्वमहामन्त्री कृष्णप्रसाद सिटौलाले मन्त्री बन्न अरुचि प्रकट गर्नु भएको छ ।
नेकपा एमालेसँग मिलेर सरकार बनाउने सहमति गरेपछि कांग्रेस सिटौलाको नेतृत्वमा सरकारमा सहभागी हुन्छ भन्ने अनुमान चलिरहेको छ ।
तर, उहाँले मन्त्री बन्न आफ्नो अरुचि देखाउनु भएको छ ।पत्रकार ऋषि धमलाको कार्यक्रममा सोमवार राति बोल्दै सिटौलाले आफु सरकारमा नजाने तर सरकारलाई सक्दो सहयोग गर्ने बताउनुभयो ।
![](https://khabarkheti.com/wp-content/uploads/2024/04/eye-khanepani-mart-3-add-mix-1.jpg)
सिटौला हाल राष्ट्रियसभामा कांग्रेस संसदीय दलका नेता हुनुहुन्छ । नेता सिटौलाले सरकारमा जान रुचि नदेखाएपछि कांग्रेसका तर्फबाट झापाका सांसद् एवम् पार्टीका महामन्त्री विश्वप्रकाश शर्मा मन्त्री बन्न सक्ने चर्चा चलेको छ ।