अर्जुनधारा । इलामको माई नगरपालिका-४ स्थित कार्यालय रहेको इलाम र झापाका उपभोक्तालाई समेटेर बनेकोे सुखानी सामुदायिक वन उपभोक्ता समितिले विभिन्न जातका फलफुलको बिरुवा बितरण गरेको छ ।
‘समृद्धी शुुसासन र वन व्यवस्थापन, एकजन एकरुख, हाम्रो अभियान’ भन्ने मुल नाराका साथ वन प्रवर्दन कार्यक्रम अन्तर्गत सामुदायिक वनका उपभोक्ताहरुलाई बिरुवा बितरण गरिएको सामुदायिक वन समितिका अध्यक्ष मंगलसिंह लिम्बूले जानकारी दिनुभयो ।
चुरे उत्थानशिल आयोजना कोशी प्रदेश इटहरीबाट प्राप्त भएका आँप, लिची, कटहर, अम्बा र कागती लगायत विभिन्न जातका फलफुलका ६ सय ४० वटा बिरुवाहरु बितरण गरिएको उहाँले बताउनुभयो ।
सामुदायिक वनको संरक्षण र प्रवर्दनमा निरन्तर काम गरिरहेको समितिले बनक्षेत्रमा मात्रै नभई उपभोक्ताहरुको बसोबास रहेको क्षेत्रमा समेत हरियाली कामय गराउदै वताबरण संरक्षणमा सहयोग पुर्याउन बिरुवा बितरण गरिएको अध्यक्ष लिम्बूले बताउनुभयो ।
खान र बिक्री बितरण समेत गर्नका लागि उपयुक्त हुने फलफुलका बिरुवाहरु सामुदायिक वनले बितरण गरेको हो । सोमबार कार्यालय परिसरबाटै ६ सय ४० वटा बिरुवा बितरण गरिएको थियो ।
सुखानी सामुदायिक वनमा इलामको माई नगरपालिका-४ र झापाको अर्जुनधारा नगरपालिकाको-३ नम्बर वडाका ६ सय २५ घर उपभोक्ता लभान्वीत छन् ।