शिवसताक्षी । झापाको शिवसताक्षी नगरपालिकाका ६९ शिक्षक सम्मानित भएका छन् । शिवसताक्षी नगरपालिकाद्वारा दूधेमा आयोजित शिक्षक सम्मान कार्यक्रममा नगरका ६९ शिक्षक सम्मानित भएका छन् ।
शिवसताक्षी पालिकाका भित्रका सेवा निबृत्त शिक्षक तथा कर्मचारीहरुलाई शिवसताक्षी नगरपालिका शिक्षा शाखाले सम्मान गरेको शिवसताक्षी नगरपालिकाका शिक्षा अधिकृत छविलाल ढकालले जानकारी दिए ।
त्यस्तै नगरपालिकाले २०८० सालमा एसईई परीक्षामा उत्कृष्ट जिपिए प्राप्त गरेका सामुदायिक तथा संस्थागत विद्यालयका ११ जना छात्र छात्रालाई नगदसहित सम्मान गरेको छ ।
सेवा निबृत्त शिक्षक तथा उत्कृष्ट विद्यार्र्थीलाई शिवसताक्षी नगरपालिकाकी उपप्रमुख नरमाया कार्की, शिक्षा अधिकृत छविलाल ढकाल, शिक्षक महासंघ अध्यक्ष बेनुप्रसाद कार्की लगायतले सम्मान पत्र प्रदान गरेका थिए । कार्यक्रममा विद्यार्थीहरुले नृत्य प्रस्तुत गरेका थिए ।
