बिर्तामोड । सहकारी अभियान्ता एवम् विज्ञ कैलाशभक्त प्रधानांगलाई सहारा नेपाल बचत तथा ऋण सहकारी संस्थाले ‘राष्ट्रिय व्यक्तित्व पुरस्कार’बाट पुरस्कृत गरेको छ । यस्तै, सहाराले पत्रकार सन्तोष न्यौपानेलाई उत्कृष्ट सहारा पत्रकारिता पुरस्कारबाट पुरस्कृत गरेको छ ।
प्रधानांगले प्राप्त गरेको पुरस्कारको नगद राशी एक लाख एक हजार र पत्रकार न्यौपानेले प्राप्त गरेको पुरस्कारको नगदराशी २५ हजार रहेको छ । २७ औं वार्षिक साधारणसभाको अवसरमा सहाराले प्रदान गरेको उक्त पुरस्कार सभामुख देबराज घिमिरेले हस्तनान्तरण गर्नुभएको थियो ।
भक्तपुर निवासी प्रधानांगले नेपालको सहकारी आन्दोलनमा महत्वपूर्ण योगदान पुर्याए वापत पुरस्कृत गरेको सहारा नेपालका कार्यकारी प्रमुख महेन्द्र गिरीले जानकारी दिनुभयो ।