बिर्तामोड । बिर्तामोड वडा नम्बर ५ र वडा नम्बर १० को भेट्रान टिमबिच मैत्रिपूर्ण खेलमा बिर्तामोड १० एक–शुन्य गोल अन्तरले विजयी बनेको छ ।
बिर्तामोडको डोमालाल राजवंशी रंगशालामा आज सम्पन्न भएको चौंथो वडा स्तरीय नकाउट फुटबलको समापनको अवसरमा बिर्तामोड–१० र बिर्तामोड–५ को भेट्रान टिमबिच खेल भएको थियो ।
बिर्तामोड खेलकुद विकास समितिको आयोजनामा भएको खेलमा बिर्तामोड–१० लाई जित दिलाउन खेलमा एक मात्रै गोल दिपेन राईले गरे । उनले पहिलो हाफमा गरेको गोल नै निर्णायक बन्यो ।
प्रतिस्पर्धात्मक बनेको खेलमा बिर्तामोड ५ ले गोल फर्काउने प्रयास गरेपनि सफल हुन् सकेन ।
मैत्रिपूर्ण खेलको विजयी टिमलाई आयोजक बिर्तामोड खेलकुद विकास समितिले ट्रफी प्रदान गरेको थियो । समितिका अध्यक्ष विकास गिरील विजयी टिमका खेलाडी गणेश कटुवाललाई ट्रफी हस्तनान्तरण गर्नुभएको थियो ।