95
Shares
बिर्तामोड । झापाको कनकाई नदीमा माछा मार्ने क्रममा बेपत्ता भएका युवकको शव दुई दिनपछि भेटिएको छ । कनकाई-४ त्रिवेणी टोलका २४ वर्षीय सविन श्रेष्ठको शव शनिबार भेटिएको हो ।
प्रहरी टोली र स्थानीयको सहयोगमा शनिबार दिउँसो १२ः१५ बजे श्रेष्ठको शव भेटिएको इलाका प्रहरी कार्यालय झिलझिलेका प्रहरी निरीक्षक अनीश बुढाथोकीले बताए ।
डुबेको स्थानदेखि करिब ५ सय मिटर दक्षिण श्रेष्ठको शव फेला परेको उनले जानकारी दिए । सर्जमिन मुचुल्का गरी शवलाई पोस्टमार्टम गरिएको छ ।
बिहीबार दिउँसो ३ बजेदेखि बेपत्ता भएका श्रेष्ठको सोही दिनदेखि नै खोजी कार्य जारी राखिएको थियो । आज बिहानैदेखि स्थानीयबासीसहित जिल्ला प्रहरी कार्यालय विपद् व्यवस्थापनको टोलीले नदीमा श्रेष्ठको खोजी गरेका थिए ।
प्रतिक्रिया दिनुहोस ।
+1
+1
+1
+1
+1
95
