100
Shares
झापा । झापाको अर्जुनधारा नगरपालिका अन्तर्गतको खुदुनाबारी–शनिश्चरे सडक खण्ड अवरुद्ध बनेको छ । अविरल वर्षापछि बिरिङ खोलामा आएको बाढीले अर्जुनधारा नगरपालिका–१, ४ र ७ नम्बर वडाको सिमानामा पर्ने पक्की पुलमा क्षती गरेपछि सडक खण्ड अवरुद्ध बनेको हो ।
बाढीका कारण पुलको पूर्व पट्टिको भाग मुनिको दुवै पंखा बगाएको छ । लगातारको बाढीले क्षतिग्रस्त बनेको पुल अहिले दबिएको छ । विर्तामोडबाट शनिश्चरेहुँदै खुदुनाबारी र इलामका विभिन्न भुभाग सम्म जाने सो सडक अवरुद्ध बनेको हो ।
बिरिङमा पानीको बहाव बढेर खोलाले धार परिवर्तन गरी दक्षिणी दिशा तर्फ मोडिएर कटान गरेपछि पुलमा क्षति पुगेको स्थानीयको भनाई छ ।
अहिले पुलको दुवैतर्फ बाँसको ढाँट लगाएर सडक बन्द गरि सवारी साधान आवात-जावतमा रोक लगाइएको छ । जुनसुकै बेला पुल भत्कन सक्ने अवस्थामा पुगेको छ ।
प्रतिक्रिया दिनुहोस ।
+1
1
+1
+1
+1
+1
100
