200
Shares
मेचीनगर । मेची भन्सारबाट भन्सार नतिरी बाहिरिएको कन्टेनरमा एक करोड भन्दा धेरै मुल्यको सामान फेला परेको छ ।
जिल्ला प्रहरी कार्यालय झापाका प्रवक्ताले दिएको जानकारी अनुसार कन्टेनरमा कोको जेल ६० कार्टुन, अफ्जल ८० कार्टुन, काँसको झ्याम्टा २ हजार ४ सय ६५ केजी र साबुन २५ कार्टुन फेला परेको छ ।
जुन सामाको मुल्य एक करोड एक लाख २७ हजार ५ सय मुल्यांकन गरिएको छ । गाडीको मुल्य २० लाख मुल्यांकन गरेर एक करोड २१ लाख २७ हजार ५ सय मुल्यांकन गरिएको छ ।
जिल्ला प्रहरी कार्यालय झापा र इलाका प्रहरी कार्यालय काँकडभिट्टाको संयुक्त प्रहरी टोलीले विशेष सूचनाको आधारमा पूर्व पश्चिम राजमार्ग अन्तरगत मेचीनगर–६ स्थित ट्राफिक पोस्ट नजिकैबाट शुक्रबार साँझ ७ बजे कन्टेनरलाई नियन्त्रणमा लिएको थियो ।
प्रतिक्रिया दिनुहोस ।
+1
1
+1
+1
+1
+1
200
