बिर्तामोड । झापाको काँकडभिट्टाबाट काठमाडौंतर्फ जाँदै गरेको रात्री बस आज बिहान चितवनको दासढुंगामा दुर्घटना भएको छ ।
४० जना यात्रु बोकेको बस दासढुंगास्थित मदन भण्डारी पार्कनजिकै दुर्घटना भएको हो ।
बस अनियन्त्रित भई सडकबाट १० मिटर तल खसेर रुखमा अड्किएको छ ।
रुखले अड्काएकाले बस त्रिशूली नदीमा खस्नबाट जोगिएको जिल्ला प्रहरी कार्यालय चितवनले जनाएको छ ।
दुर्घटनामा परी १९ जना घाइते भएको र उनीहरुलाई उपचारका लागि भरतपुरका अस्पतालहरुमा लगिएको प्रहरीले जनाएको छ ।