झापा । दुई खेलको अन्तर्राष्ट्रिय मैत्रीपूर्ण फुटबल सिरिजको पहिलो खेलमा नेपालले आज बंगलादेशसँग बराबरी खेलेको छ।
ढाकामा नेपाली समय अनुसार बेलुकी सँवा ५ बजे सुरु भएको खेलमा नेपाली राष्ट्रिय महिला फुटबल टिमले बंगलादेशसँग १–१ गोलको बराबरी खेलेको हो ।
खेलको ६५ औं मिनेटमा सबिना खातुनले गोलगरेपछि बंगलादेशले अग्रता लिएको थियो । नेपाल भने खेल सकिनभन्दा केही अघिसम्म गोल विहिन बनेको थियो । सावित्रा भण्डारीले इन्जुरी समयमा गोल गर्दै बराबरीको नतिजा दिलाएकी हुन् ।
एशियाडको तयारीमा रहेको नेपालले बंगलादेशसँग मैत्रीपूर्ण फुटबल खेलेको हो । नेपालले दोस्रो मैत्रीपूर्ण खेलमा आईतबार खेल्नेछ ।
गतवर्ष भएको साफ महिला च्याम्पियनसिपको फाइनलपछि नेपाल र बंगलादेशको महिला टिम पहिलो पटक भिडेका हुन् ।
नेपालमा सम्पन्न भएको उक्त खेलमा घरेलु टोली नेपाललाई ३–१ ले हराएर बंगलादेश पहिलो पटक साफ च्याम्पियन बनेको थियो ।
चीनमा आगामी सेप्टेम्बर–अक्टोबरमा हुने १९औं एसियन गेम्सको तयारी स्वरुप नेपालले बंगलादेशसँग दुई मैत्रीपूर्ण खेल खेलेको हो ।